लण्डन। बेक्स्ली नेपाली समाज (बेक्स्ली नेप्लिज कम्युनिटी)ले नेपाली नारीहरुको महान चाडहरितालीका "तीज" अगस्ट महिनाको २८ तारिख शनीबारका दिन भब्य रुपले मनाउने भएको छ।

समाजका नवनिर्वाचित अध्यक्ष आनन्द धरेलका अनुसार स्थानीय फाल्कनउड कम्युनिटी सेन्टरमा उक्त दिन दिउँसो २ बजेदेखि सांझ १० बजेसम्म कार्यक्रमको आयोजना हुनेछ। कार्यक्रम सम्पन्न गर्नको लागि समाजको हालै सम्पन कार्यसमितिको बैठकले एक कमिटी समेत गठन गरिएको छ। उक्त तीज कमिटिको संयोजकमा बिजिता गौतम र सदस्यहरू बिन्दु गुरुङ,उमा गुरुङ,शिलु आचार्य खनाल,अहिल्या कुँवर,बिमला सेढाई,सुश्मा ढुङ्गाना र सबिता सिवाकोटी रहेका छन्।

समाजले विभिन्न सामुदायिक कार्यहरु गर्दै आएको छ। समाजले आफ्नो फेसबुक पेजमा एक सुचना प्रकाशित गर्दै बेक्स्ली नेप्लिज कम्युनिटीको भाइबर ग्रुपमा अग्रिम रुपमा नाम दर्ता गराउन समेत अनुरोध गरिएको छ।